Morgestraich 2016

Hängget d’Drummle-n-a!
Dr Morgestraich foht a!
Lueg, dert mit dr lange Nase
Kunnt jo no e Waggis z’rase.
Loos wie’s Vieri, loos wie’s Vieri schloht.

S’pfyfft und drummlet scho;
jetzt isch Zyt zem goh.
Mir wänn rächti Basler sy.
Laufe hinderem Zigli dry.
Pfyffet, drummlet, drummlet frisch druff los.

D’Guggemussig, loos,
kunnt dur d’Freyestrooss.
Hersch wie’s kracht und tschätteret?
E-n-alti Dante wätteret:
Sali Beppi, gäll, de kennsch mi nit?

Waiht nit in der Luft
Zibelewaihe-Duft?
In der Dalbe vor em Stärne
stoht e luschtigi Latärne.
Hitt isch Fasnacht, jetz isch Morgestraich.